«Կեղծ ձեռքբերում է այդ պայմանագիրը. Սրանից 20 անգամ ավելի լավ պայմաններով կարելի էր անել, բայց դա մեր ժողովրդի այն ժամանակվա պահանջմունքին չէր համապատասխանում» - Սերժ Սարգսյան Ըստ Սերժ Սարգսյանի՝ իր կառավարման տարիներին նա չի համաձայնել իրականացնել խաղաղության պլանը, քանի որ այն ժամանակ ժողովուրդը դրան դեմ էր, իսկ այսօր իբր համաձայն է, սակայն այժմ պայմանները արդեն 20 անգամ ավելի վատն են։ Այդքան էլ երկար ժամանակ չի անցել Սերժ Սարգսյանի կառավարման տարիներից, որպեսզի մենք չհիշենք, թե ինչ էր իրականում տեղի ունենում։ Հենց Սարգսյանի իշխանական քարոզչամեքենան էր ժողովրդին դարձնում «ոչմիթիզական», իսկ իշխանավորներն այդ գաղափարը մոնետիզացնելով հարստանում էին, թալանում և ներսից քայքայում երկիրը։ Հետո գալիս է Փաշինյանը և, մնալով սարգսյանական գծի մեջ, նույնպես մերժում է խաղաղության պլանը, ինչն էլ հանգեցնում է պատերազմի, չորս հազարից ավելի զոհերի, իսկ հետագայում նաև Արցախի կորստի ու արցախահայության էթնիկ զտման։