Սփյուռքի հետ հարաբերությունների պարադիգմը պետք է արմատապես փոխել. Արման Բաբաջանյան
Ապրիլի 17-ին, Ազգային ժողովում քննարկվել է «Կառավարության կառուցվածքի և գործունեության մասին» ՀՀ օրենքում փոփոխություններ և լրացումներ կատարելու մասին հարցը:
«Լուսավոր Հայաստան» խմբակցության պատգամավոր Արման Բաբաջանյանը իր ելույթում հայտարարել է. «Այս քննարկումներին մեծ հետաքրքրությամբ հետևում են Սփյուռքում: Իսկ հասկանալու համար, թե ինչ է Սփյուռքը, խնդիր ունենք գույքագրելու Սփյուռքի համայնքների գիտական, կրթական, սոցիալական, տնտեսական և մշակութային կարողությունները: Սա նշանակում է արմատապես փոխել Սփյուռքի հետ հարաբերությունների պարադիգմը. ժամանակն է, որ Հայաստանը Սփյուռքի հետ սկսի հարաբերվել առաջարկողի կարգավիճակով: Մենք պետք է Սփյուռքին ներկայացնենք Հայաստանը իր ողջ հմայքով»: