Ապրիլի 16-ին, ԱԺ հայտարարությունների ժամին «Լուսավոր Հայաստան» խմբակցության պատգամավոր Աննա Կոստանյանը նշել է, որ ԼՀԿ-ի մշակութային հանձնաժողովը դեռևս նախորդ տարվա սեպտեմբեր-հոկտեմբեր ամիսներից սկսել է հանդիպումներ տարբեր կինոգործիչների հետ, որոնք աշխատանք են տարել Կինոյի մասին օրենք գրելու ուղղությամբ:
«Այս փուլում օրենքի նախագծի առաջարկները գտնվում են «Լուսավոր Հայաստան» խմբակցության իրավաբանների և փորձագետների ուսումնասիրության տակ: Մենք առաջարկել ենք մեկտեղել նախագծերը, և «Ոսկե ծիրանը» ներկայացնի իր փորձագիտական խմբի կողմից ներկայացված օրենքի նախագծի առաջարկի տարբերակը՝ ամենայն հարգանքով բոլոր սուբյեկտների կողմից տարված աշխատանքի հանդեպ»,-ասել է տիկին Կոստանյանը: